ابڙو، احمد خان’شيدا ‘: احمد خان ولد عبدالرئوف ابڙو، 27 آڪٽوبر 1900ع تي هالا نوان ۾ ڄائو. 1916ع ۾ ورنيڪيولر امتحان پاس ڪيائين، ۽ 1918ع ۾ کيس پرائمري استاد طور تعلقي ٽنڊي محمد خان ۾ مقرر ڪيو ويو. 1924ع ۾ ٽريننگ ڪاليج فارمين، حيدرآباد مان تربيت حاصل ڪيائين. ان وقت کيس علم ادب سان دلچسپي پيدا ٿي. پهريائين مضمون ۽ افسانا لکيائين. بعد ۾ شعر و شاعريءَ سان شغل ٿيس ۽ ’شيدا‘ تخلص اختيار ڪيائين. شاعريءَ ۾ سندس استاد حافظ جان محمد جان هالائي هو. پاڻ ينگ ويلفيئر ائسوسيئيشن جو سيڪريٽري ۽ هالا مان مخدوم طالب الموليٰ جي سرپرستيءَ ۾ نڪرندڙ ماهوار رسالي ’فردوس‘ جو مئنيجر به ٿي رهيو. 1958ع ۾ هالا پراڻا پرائمري اسڪول جي هيڊماستريءَ تان وقت کان اڳي رٽائر ڪيائين. 4 مارچ 1960ع تي وفات ڪيائين.
1900.10.27 عيسوي
ابڙو ، احمد خان ’ شيدا ‘ : احمد خان ولد عبدالرئوف ابڙو ، 27 آڪٽوبر 1900ع تي هالا نوان ۾ ڄائو .